Estrutura

O Tribunal Galego de Defensa da Competencia está formado por tres membros, o presidente e dous vogais, segundo indica no seu artigo 4.1 a  LeI 6/2004, do 12 de xullo, reguladora dos órganos de defensa da competencia da Comunidade Autónoma de Galicia. O Tribunal é un órgano colexiado rexido polo Pleno, constituído por tres membros, aos que asiste un secretario.

O presidente e os vogais teñen a consideración de altos cargos da Xunta de Galicia, segundo o disposto no articulo 4.2 da Lei  6/2004, do 12 de xullo, antes citada, e son nomeados polo Consello da Xunta de Galicia por un período de cinco anos, renovable unha soa vez. O presidente e os vogais exercen as súas funcións con dedicación absoluta.

O presidente ostenta a dirección e a representación do Tribunal, tamén representa á Comunidade Autónoma de Galicia no Consello de Defensa da Competencia, creado pola Lei 1/2002, do 21 de febreiro, de coordinación de competencias do Estado e das Comunidades Autónomas en materia de defensa da competencia. Nas funcións administrativas do TGDC, o presidente é asistido polo secretario xeral do organismo, que ten rango de subdirector xeral da Xunta de Galicia, segundo o disposto no Decreto 20/2005, do 3 de febreiro, de desenvolvemento da Lei 6/2004.

Actúa como secretario do Pleno, con voz pero sen voto, un funcionario do corpo superior da Administración da Xunta de Galicia adscrito á Consellería de Economía e Facenda, con formación especializada en dereito. Na actualidade, o secretario xeral exerce tamén as funcións de secretario do Pleno.

Composición actual

Membros do TGDC:

Presidente:

• D. José Antonio Varela González
  Nomeamento: Decreto 227/2004, de 25 de novembro (DOG do 9/12/2004)
  Curriculum

Vogais:

• D. Fernando Varela Carid
  Nomeamento: Decreto 227/2004, de 25 de novembro (DOG do 9/12/2004)
  Curriculum
• D. Alfonso Vez Pazos
  Nomeamento: Decreto 227/2004, de 25 de novembro (DOG do 9/12/2004)
  Curriculum

Persoal administrativo do TGDC:

• D. José Antonio Rodríguez Miguez
  Secretario xeral (e Secretario do Pleno)
  Curriculum
• D.ª M.ª Tareixa de Dios González
  Secretaria do presidente
• D.ª Ana Isabel Canabal Lázara
  Secretaria dos vogais
• D. Juan José Lorenzo Salgado
  Xefe de negociado (Habilitación)
• D. Modesto Rivas Hidalgo
  Subalterno