Funcións de promoción e difusión na sociedade dos méritos da competencia

As funcións de promoción e difusión dos beneficios da libre competencia están reguladas en parte a través da Lei 6/2004 e en parte a través do Decreto 20/2005 de desenvolvemento da Lei.

O TGDC, a través do informe que debe remitir anualmente ao Parlamento de Galicia, efectúa una avaliación da situación da competencia en Galicia, que debería constatar os avances ou retrocesos que se vaian producindo neste campo, e alertar, en caso necesario, tanto ao poder lexislativo como ao executivo sobre aspectos de interese.

Mais alá de tal diagnóstico, en virtude do disposto no artigo 1 do Decreto 20/2005, o TGDC poderá promover a realización dos estudos en materia de competencia que estime convenientes, así como desenvolver as actividades necesarias para difundir na sociedade os beneficios que comporta a libre competencia.

Ademais, este mesmo Decreto faculta ao TGDC para comunicar ao SGDC aquelas actividades que poidan dar lugar á instrución dun expediente por condutas incluídas no ámbito de aplicación da Lei 6/2004.